25 December 2016

Kisha Katolike i zbon politikanët, greku Janullatos u bën jatak- nga Kolec Traboini

KISHA KATOLIKE I ZBON POLITIKANËT, GREKU JANULLATOS U BËN JATAK


Nga KOLEC TRABOINI

E pashëmbëllt ajo çfarë ndodhi në këtë Krishtlindje 2016. Një akt historik mund të themi. Kisha Katolike e bindur më së fundi edhe ajo se shkaktarët e shkatrrimit të Shqipërisë janë politikanët shqiptarë, vendosi që të mos pranojë asnjë politikan në festimin e Krishtlindjes, dhe ta festonte atë me besimtarët e vet, njerëzit e thjeshtë. Dhe ashtu ndodhi. Mirëpo djajtë për të janë djaj. Dreqër me brirë. Ata i nxjerr nga dera dhe hyjnë si lukuni nga dritarja. Po kësaj radhe kjo kastë e fëlliqur politike, këta hajdute që vunë pasuri përrallore, ja mësyni Kishave Orthodokse, të bindur se shërbetori i grekëve që ka uzurpuar kryesinë e Autoqefales së Fan Nolit do ti pranonte. Dhe kishin të drejtë në pandehmën e tyre. Greku dinak i pranoi djajtë e politikës, u bëri jatak,u foli fjalë miradie, ua bëri mendjen çorbë greke, sepse ata në të vërtetë punojnë në të njëjtën linjë me politikat e tij dhe ato të Greqisë që duan greqizimin e Jugut të Shqipërisë dhe shkatrrimin e Veriut. Kësisoj në këtë festë Krishtlindjesh festuan edhe djajt. Djajt e politikës dhe misionari i Greqisë që ka uzurpuar Kishën Orthodokse dhe ka shkatrruar Autoqefalinë me ndihmën e po këtyre djajve antishqiptare Janullatosi është një gozhdë e ngulur në zemër të shqiptarizmës. Ne Krishtlindje ngriti meshë greqisht sikur të ishim shtet raja i Greqisë. Përmbys Noli në varr atje në Forest Hill të Bostonit. Po shqiptarët edhe në kohë të turkut ngrinin meshë shqip e ky na solli grekofoninë. Është një agjent i mirefilltë i inkuadruar në qëllimet shoveniste të skuadroneve ultranacionaliste greke. Ai duhet të shporret nga Shqipëria. Mjaft më! Qëndrimi i tij edhe më tej në krye të Kishës Orthodokse Shqiptare është një katastrofë kombetare. Në foto flamuri i vjetër grek mbi Katedralen e Janullatosit në qendër të Tiranës për të cilën kemi shkruar kohë më parë. Dhe portreti i grekut Janullatos me mbishkrimin 25 vjet në Shqipëri në meshë nuk flet shqip, por greqisht sepse kështu është urdhëruar nga Megaloidheja shoveniste e Athinës.

25 dhjetor 2016




11 December 2016

Skllavërimi djallëzor i mendjes - nga Kolec Traboini


SKLLAVËRIMI DJALLËZOR I MËNDJES


Nga KOLEC TRABOINI


Ka një shfrytëzim drastik të mendjeve njerëzore në Shqipëri. Një skllavërim i plotë. Solid dhe pa ekuivok. Dhe të vjen çudi se kjo konsiderohet një gjë normale nga disa intelektualë, që nuk dua tua sjell emrat sepse nuk është qëllimi polemika e vogël e ndërsjellët mes krijuesish, por polemika e madhe.

Në diktaturën komuniste kishte honorare. Në demokraci banditët politikë që i vendosin rregullat e lojës i quajnë të drejtë që të ketë shfrytëzim primitiv të mendjes pa pagesë për hir të dëshirës që të tjerët të lexojnë ty si autor. Kështu bente komunizmi me të burgosurit politikë. Mesa duket paska mendësi nder shtetarë e parlamentare se ne nga ana intelektuale qenkemi akoma në burg dhe ata gardianët tanë.
Të punosh si intelektual pa pagesë është një parim komunist i mirëfilltë, por që komunistët nuk patën guximin ta aplikojnë në shoqërinë civile sepse honorarët e shtypit apo radiotelevizionit qoftë dhe për një lajm të vogël i paguanin. Këtu tek ne, në vitin 2016, në republikën e sallahaneve dhe honxhobonxhove, ligjet mbi shtypin e botimet i kanë hartuar në mënyrën më djallëzore në dem të krijuesve shqiptarë.
Si është e mundur që një autor, i madh apo i vogël nuk e përcaktojmë apriori, pra pasi të paguaj Shtëpinë Botuese, ta zëmë të deputetit Fatmir Toçi (të flasim pa frikë se demi kapet nga brirët e jo nga bishti), pasi të paguaj sa qimet e kokës pra, autor ziu të marrë librat në shtëpi e asnjë librari nuk ja pranon pa pasur një NIPT. Pra u dashka sipas ligjeve të hartuara nga Toçët për Toçët që autori i një libri të paguaj pas botuesit-shtypshkronjë edhe këtë shtet idiot për biznes që të shesë 10 libra. Te jap nja 2 milion lekë në tatime për një bllok faturash NIPT.
Ky nuk është shtet por një rrumpallë, një shtet kaçanësh ku të gjithë synojnë veç të zhvatin. Këta për nga babëzia do ta turpëronin edhe kacakun Ali Pash Tepelena. Nuk ka rëndësi produkti, rëndësi ka zhvatja.
Dhe askush nuk na e shpjegon pse duket të funksionojë kjo rrupallë shqiptare kësisoj dhe si mund te hyjmë në Europë me këtë sharabajkë të vjetër e me banditë që tundin kamxhikun.

Na rrofsh për verë, moj Qeveri, se në dimër na duhet leshi!

pasi të paguaj Shtëpinë Botuese, ta zëmë të deputetit Fatmir Toçi (të flasim pa frikë se demi kapet nga brirët e jo nga bishti), pasi të paguaj sa qimet e kokës pra, autor ziu të marrë librat në shtëpi e asnjë librari nuk ja pranon pa patur një NIPT. Pra u dashka sipas ligjeve të hartuara nga Toçët për Toçët që autori i një libri të paguaj pas botuesit-shtypshkronjë edhe këtë shtet idiot për biznes që të shesë 10 libra. Te jap nja 2 milion lekë në tatime për një bllok faturash NIPT.

Today Deal $50 Off : https://goo.gl/efW8Ef
11 dhjetor 2016

10 December 2016

Don Carlo mjel lopën- nga Kolec Traboini

DON CARLO MJEL LOPËN

 Nga KOLEC TRABOINI

Bukner Art # 1 dhe # 2 janë bërë për bisnes. Rruan para me thes italiani Carlo Bollino me kësisoj sajimesh me bunker. Nuk i mjaftoi i pari po duhej edhe i dyti. Pse nuk deklarohet nga ministri kukull i financave sa para mori Bollino për të sajuar këto Bunker Artet Idiote? Për të parin thuhet mbi 1 milion Euro. Për të dytën nuk thuhet asgjë por ajo që dihet botërisht është, që Carlo Bolino pa i dhënë mbi një milion Euro nuk e luan sumën. Italian i zgjuar ai. I di vërra si nxirret paraja. Ka zbuluar në Shqipëri minierë floriri. Paguan populli shqiptar që vuan prej satrapëve E dini se për ti parë ato fotot e Martirëve në Bunker Art 2 duhet të presësh bilietën në hyrje. Pra pasi u bënë me paratë publike këto bunkermanira që i morën këta partnerët e Qeverisë Rilindase, populli duhet te paguaj sërisht e sërish e pafundësisht.
Pse heshtin ish të përsekutuarit dhe familjet e martirëve katolikë. Si e lejon Kisha Katolike të bëhet biznes me Martirët?! Pushteti në këtë rast është bashkpunëtor e partner i Don Carlos. Dhe publicitetin e bëjnë hapur në televizionin e Bollinos. Afro 5 dollarë një bilietë për të vizituar Bunker Idiot Art # 2. Ky popull që ripet, në televizionin e Bollinos duhet të shfaqet i lumtur.
Njëra dorë lan tjetrën e të dyja fytyrën e vet të lërosur të Parneritet Strategjik Media - Pushtet që funksionon suksesshëm.

Ndërkohë:

Hesht shtypi shqiptar.
Hesht Kisha Katolike.
Hesht opozita që pret kalendat greke për tu shfaqur.
Heshtin organizimet e ish të përndjekurve.
Heshtin familjet e Martirëve.
Hesht dhe Vatikani.
Ndërkohë Don Carlo Bollino mjel lopën shqiptare.
Faqja e zezë...

10 dhjetor 2016