RRIHET MIKJA GREKE E MILLOSHEVIÇIT - nga Kolec Traboini

Mikja e përkrahsja e falangave vrastare të kriminelit Sllobodan Millosheviçi


RRIHET MIKJA GREKE E MILLOSHEVIÇIT

Shkruar nga KOLEC TRABOINI

Lajmet nga Athina bëjnë me dije se në një emision direkt në Ant-1,  me 6 maj 2012, deputeti i partisë ekstremiste të djathtë "Krisi Avgi" (Agimi i artë”), Ilias Kacidhiaris pasi që u ndje i fyer sepse dy gra deputete komuniste e epitetuan si përfaqesues i pushtëve, rrahu deputetën komuniste Liana Kaneli të cilën shumë grek e përflasin si  lesbike se sa si komuniste.  Padyshim që është një ngjarje ë rëndë që një deputet në moshë të re  të rrah një deputet tjetër në një emision televiziv, aq më tepër e rrahura është grua, anipse në këtë rast ajo ishte tepër agresive sepse qëlloi e para,  për tu gjëndur pastaj nën një breshëri grushtet të njëpasnjëshme.
Po kush është Liana Kaneli? A është për të ardhur keq që e rrahen publikisht në një emision televiziv? Them se jo... Me shkakun se e njoh mirë. A jo ishte pro serbeve dhe një nga altoparlantët e Millosheviçit në Greqi dhe kundër shqiptarëve në luftën e Kosovës.  Ajo përkrahte terrorin serb ndaj shqiptarëve dhe ishte një armike e deklaruar e amerikanëve dhe forcave të NATO-s. Kjo komuniste nuk është hera e parë që goditet e qëllohet, vetë votuesit e saj te majte e kanë gjuajtur me kuti kosi në publik sepse ndërsa flet në parlament për të varfërit në emër idealeve barazisë sociale,  e nderkohë që populli grek vuan, ajo vetë jeton në një lluks  prrallor dhe ka pasuri të panumurta . 


Skena gjate emisionit televiziv ne ANT-1 Athinë, 6 qershor 2012

Liana Kaneli në pranverë të vitit 1999 ishte bërë fort e njohur  për emigrantët shqiptarë në Greqi sepse drejtonte emisione televizive në Athinë. Në një nga emisione për ngjarjet në Kosovë ftoi edhe Aristidh Kolën. Ajo siç u pa e kishte ftuar udhëheqësin arvanitas qëllimisht për ta deskritituar në opinionin publik sepse gjatë bisedës e akuzoi si tradhtar e armik i Greqisë si dhe agjent të CIA-s e sherbimit sekret shqiptar. Si të ishte prokurore në sallën e gjyqit disa herë i tha Aristidh Kolës se je armik dhe ti kërkon ti sjellësh shqiptarët këtu për ta bërë Greqinë Shqipëri. Në atë emision në “SKAI”  ajo foli me urrejtje nacionale e histerizëm ndërsa udhëheqësi arvanitas ruajti gjakftohtësinë dhe e përballoi situatën me dinjitet. Nën influencen e saj, natën nëpër muret e Athinës u shkrojtën parulla "Aristidh Kola në litar!".
Kjo Liana Kaneli nuk mjaftoi me kaq por e hodhi Aristidh Kolën në gjyq si armik i Greqisë dhe spiun i huaj.  Ja si e tregon këtë situatë vetë Aristidh Kola( 1940-2000) në një letër dërguar një mikut të tij të Taso Karandis e që u botua pas vdekjes në revistën “Ritmi i Salaminës”:
"Shumë miq më telefonuan për të shprehur indinjatën për baltën që hodhi mbi mua zonja Liana Kaneli gjatë emisionit televiziv në "Skaj" 5 Maj 1999, dhe më pyetën përse e përballova me qetësi, kur duhej të kundërsulmoja... 
  Miqtë e mi, mos u mërzisni e mos u hidhëroni për këtë, sepse "e drejta del, vjen kur ti vijë ora…".
  E kam dashur dhe e dua vendin tim, por dashuria ime nuk është me fjalë por me veprat e mia, të cilat do të kujtohen kur balta e zonjës…Kaneli të kalojë në harresën e shekullit. Kam preferuar gjithmonë të shkoj kundra rrymës e jo të shkoj nga shkon rryma dhe fryjnë erërat . Nuk jam lëpirë e nuk kam puthur kurrë këmbët e përmjera dhe për këtë e paguaj shtrenjtë dhe në mënyrë të përditëshme me nderin, dinjitetin dhe lirinë time... 

Aristidh Kola
Jo më kot ne shqiptarët që kemi jetuar emigrantë në Greqi dhe e dimë mirë urrejtjen e saj ndaj shqiptarëve gjithashtu  simpatinë për krimet e përbindëshme të falangave kriminale serbe ndaj shqiptarëve të Kosovës,  e kemi quajtur  Liana Kanelin kuçka e Millosheviçit. Dhe mjerisht kjo lapërdhare televizionesh greke që është dhe deputete komuniste në parlamentin grek na del të jetë me origjinë arvanite nga një fshat që,  siç shkruan studiuesi Arben Llalla,  ku nuk ka as dhe një familje greke , por të gjithë arvanitas, arbërore, pra shqiptarë.
Që të kthehemi aty ku e nisëm , e kam parë disa herë skenën  televizive, ku deputeti i ri ekstremist grek , një farë këngëtari, Ilia Kacidhiaris qëllonte sa i hante krahu deputeten e paprinciptë Liana Kaneli, e  mendja më shkonte tek miku im i ndjerë Aristidh Kola, i sulmuar egersishti e i akuzuar si tradhtar  prej saj e,  një vit më pas,  i vrarë prej qarqeve të ndërsyera shoveniste greke, e thosha:
- Të gjitha në këtë botë lahen, miku im. Të gjitha!

Deputetja komuniste Liana Kaneli e qëlluar nga votuesit e majtë me kupa kosi.

Xhirimi ne kete Link:: http://youtu.be/vfvH4SypT64